pano po an tamang pagluto nin ginutaan na tilapya?

Gari man sana palan ini sinanglay, masiramon kaini karamutan sana… 🙂

DinDin Nene, maski haloy na an post mo, magreply man barang ako ta tibaad makatabang maski prupaano sa saimong pagaadal magsapna/magluto. Ako nene pagnagluto ki pigniugan na tilapya arog kaini… Dai mo tabi pagtipidun su nuyog, dapat maliputok tanganing masiram. Pakalakagaon mo su gata na igwang dakol na tinadtad na bawang(mahamuton yan pagdakol kaan), giniris na sibulyas, luya asin diit na kamatis. Sigi an bukag mo tanganing dai magbirilog an gata. Bugtakan mo nin asin, paminta, vetsin kun gusto mo buda diit na sukang puti(according to taste). Pagluto na su gata buda su mga nilaag mong ingredients namitan mo na tabi kun pwede na su namit, kun matabang dagdagan mo ki diit na patis, su suka kun kulang pa…basta ayon sa pagnamit mo. Pag ok na su namit ilaag mo na su tilapia(mas puwerte kun buhay mong nabakal su sira mo pero kun bako, pwede na su tigbak na basta sigurado kang preskohon pa…very fresh ingredients is one key factor for a best tasting food, be it meat,fowl, fish and other seafoods, vegetables,fruits, etc). Pagluto na su tilapia, halion mo sa kawali (luway luway sana tanganing dai marunot), i-set aside. Then, ibugtak mo na sa gata su lada na pansigang, mga pirang pidaso sana. Bukagon then isunod mo na tulos su mga pirang pidasong pechay ( all through these dapat pirming nagkakalakaga an gata pagmakaag ka kan mga gulayon na an tanganing marhay an pagkaluto bako luto sa pilit(aluyagoy). Bukagon pagkalaag kan pechay. Paghalf cook na su pechay palsukon mo na su kalayo asin ilaag mo na giraray su tilapia sa kawali sa ibabaw kan pechay buda ka’gan mo nin dahon sibuyas sa ibabaw. Dai na pag bukagon, takpan an kawali tanganing maluto su pechay na half cook buda su dahon kan sibuyas. Masiramon yan nene sa naguruaso pa na maluto buda nagkakamot ka sa pagkaon mo. I hope nakatabang man barang ako saimo maski diit. Happy eating, kabayan!