Novena

This topic contains 1 reply, has 2 voices, and was last updated by  pai caloy 14 years, 10 months ago.

Viewing 2 posts - 1 through 2 (of 2 total)
  • Author
    Posts
  • #49076


    pai caloy
    Participant

    yay! nasobrahan su pami-bi. maray bagang mag orolok-olok lamang kita sa tahaw kan satuyang mga trabaho. thanks for this share.

  • #49024


    andador
    Participant

    From BICOL MAIL ONLINE..
    http://www.bicolmail.com

    Sabi Ni Levy
    By Levy S. Aureus
    NOVENA

    DAKUL an sobra an ambisyon; idtong igwa nin problema sa harong; siring man an may marhay an intension, kun kaya nakakagirumdom na mag-debosyon. Iyan an pananaw na naguno ki Tiyang Vacion, saro sa mga bayaran na para-santo rosaryo asin para-novena sa simbahan ni Nstra. Sra. de Peñafrancia sa Basilica Minore asin Peñafrancia. Poon, soboot, pagbukas digdi sa Siyudad nin Naga kan operasyon kan mga Lotto outlets, nagdagdag na an nagpapa-santo rosaryo kun aldaw na Miyerkules asin Sabado, gogo kan Lotto, ta mawot magin milyonaryo. Sige an pa-novena kan mag-agom na Amado asin Amada tanganing an aki nindang si Thelma, na masahista sa sauna, mairayo sa disgrasya. Plano kan committee ni Ate Bless na magpa-novena tanganing madagdagan an ganansiya kan ballroom dancing na sponsor ni monsenyor. Ultimo ngani daang kandila marhay an barakalan kaya an mga prayer leader sa nasambit na simbahan nadagdagan an income. Alagad maski in demand an serbisyo ngunyan kan mga para-panganam dai sinda naghahagad nin halangkaw na talent fee sagkod sa mga aldaw na ini. Sa kada novena, uya an saindang sinusunod na tarifa: Sesenta (P60.00) pesos kun an pag-pangadyi gigibuhon sa antigong tataramon na Latin ta nabibilot sagkod sa tila-tika; Sinkwenta (P50.00) kun sa English version ta nalalapo an dila sa pronunciation; Kwarenta (P40.00) pesos kun sa tataramon na Bikol ta medyo pasil. An bayad sa pag-pangadyi libre sa E-vat. An magayon sa grupo ni Tiang Vacion ta sa pag-pangadyi dai nagmamadali; malinaw asin na-iintindihan an pag-panganam; asin mayo nin misteryong linalaktawan. Alagad tanganing an novena magin epektibo, kaipuhan an tamang bayad sulbod-siko; pagkatapos kan treynta minutos na pag-panganam, bayad tulos. Dai magsumbong sa BIR na dai nagtatao nin resibo! An hapot: Ano man daw kun an may bayad na novena tinutubod? An mayaman na si Ramon Tan nagpa-novena ta igwa nin anayon na ataman. Paglihis nin duwang bulan, ogmahon si Ramon ta an anayon beynte uno an nagin ogbon. An sarong orig-orig itinao ki Tiang Vacion. Sarong matrona an nagsungko sa Basilica na mapula an mata. Problemado ta an agom na Playboy haloy nang dai nagpupuli sa harong. Poon sa pwertahan kan simbahan sagkod sa altar, naglakaw na nakaluhod an duwa; an saro nagpa-pangadyi, an saro sige an hibi. Pakabayad, an may problema tulos-tulos na naghali. Paglihis nin duwang semana, an matroma nagbwelta na mapula pa man giraray an mga mata. Kasabay kan hagulhol, yaon an pag-basol ta garo “over kill” an ginibong pag-novena. Totoo, nasunod an kahagaran na magpuli an agom. Alagd an mamundo ta sa pagpuli kan lalaki sa saindang harong; kaibahan an ika-duwang agom! Valentine’s Day pa kan magpuli, makulog!

Viewing 2 posts - 1 through 2 (of 2 total)

You must be logged in to reply to this topic.