Saen ka na tabi naka duman sa Bikol?

Naka-abot naman tabi ako PS sa Malabiga, sakop pa iyan kan Libon. pero an Moroponros, sakop iyan kan Oas. An Maburi tabi dai ko natatandaan… Tibaad sitio iyan o bagong create na barangay.
Iyo tabi PS, taraid na lugar an Apud asin Maramba. An Apud sakopkan Libon pero an Maramba sako[p na kan Oas. Tama ka, although same side asin bako man isla, pig sasakay talaga pasiring sa Apud asin Maramba ta dai pang tinampo kaito. Pero ngunian, balda na hali sa Pantao diretsong Malacbalac o Pio Duran an tinampo asin sementado pa. Kun tama an memorya ko ta nakaduman ako kan 2006 aagihan mo an Apud, Maramba, Nogpo Natasan pasiring sa Pio Duran.
Tolong aldaw ako sa Maramba, sa beach kan padihon ko. Nasa paradahan nanggad kan mga pampaseherong jeep an harong kan padihon ko. Combination Resto, bilyaran, karaoke asin inuman an lugar niya. Sa likod dagat na nanggad na magayon asin blue an tubig kan dagat. Tanawon an Ticao Island na yaon daa duman an cell site ta kan panahon na yaon, dai pang cell site sa Pantao, kaya wara-wara an signal. Inda ko sana ngunian kun igwa na.
Ipipa-bakal kan padihon ko an property niya. An kaso habu ko ta nadisganar ako. Nasa sentro. An boot ko harayo sa sentro tanganing iguang privacy.
Moderno na an mga lugar na nabanggit ngunian. Sobra na sindang abante. Magkaperang libod pa kan panahon magkaka-igua ng computer duman. Palan, dakul na mga foreigners an nagduduruman ta interesadong magbarakal ki coastal property, kaya mahal na an presyo kan daga duman. Maski ako interesado man na magbakal sa inutan kan Maramba pasiring sa Pio Duran. Saro pa kaya sa hilig ko mag karigos sa dagat.
Medyo serioso kita ta barakalan ki daga an tophic. hahahaha.

Yaon ka palan tabi Manay Rose, kasubago ka pa? Salamat ta maski paru-pano nakakata-o man palan kami ki diit na kaogmahan sa mga nagbibisita sa torsidong ini. Arin sa duwa, aram mong daing ido digdi o dai ka man nanggad ki rayuma ta dai mo baga dara an tungkod mong pambakdul… Hahahaha… Piz tabi Manay Rose. Huni an saro pang inasistehan mi sa Libon… Barangay kan Natasan…
Kun tama an pagka rumdum ko, tampi man ini kan dagat. Dai pang tinampo kaito kaya nagsakay kami sa baloto hali sa Pantao pa Natasan. Pag abot mi duman, nataranta na su Lolo ko ta dakulon siyang mga padihon duman kaya iwinalat ako sa harong na pig dagusan mi. Inasikaso man ako kan aking daraga na inabutan kong nag mamasitas sa natad… “aldaw niyako… si Ding po tabi ako, ako an kaiba kan sound systen” [Aldaw man ngaya tabi, simbag sako… dagos na ngaya kamong duwa]… Nag ngalas ako ta ako man sanang saro… mayo man akong kaiba… igua akong nadangog na boses na hali sa la-og kan harong, boses kan ika-duwangtugang kan daraga… [dagos tabi ngaya kamong apat ta magkakan.] dai na akonagka-alo ta nakamalisya na ako… iguang depirensiya an saindang pag hiling… pag-abot ko sa kusina… sinabat ako kan ikatolong tugang na daraga asin an sabi… [dagos, dagos ngaya tabi kamo, digdi na ngaya kamong apat asin kamo man ngayan apat duman sa ibong kan lamesa]… Pag-abot kan ina na si Manay Caring… [ grabe man ngaya an pag-iriba kan sound systen na ini-o, garo ngaya mabuhat ki harong… uyog-uyugon mo ngaya 16 kamo… Ayyyyy susssss Mariaaaaaang maheherakon.

Hahahaha. Grabe an kanganga-rakngak ko kan translation mo Nuy-nuy. Kinamot mo talaga. Hala ka, pag nabakdulan kita sala mo. hehehe… Kaya habu kong i-translate digdi. Ingat sana kita… si Manay Rose perming iguang kapot na kung bakong asada kagkag… makulog gayud Nuy-nuy maasada o makagkag. Permi akong bayug-bayug/bakay-bakay kan pandagpok/idagpok/palo-palo, samud saka sigid. Pero dai pa ako nakatana kan kagkag asin asada. Palan… permi man akong nababakdulan ning siyanse saka sandok…minsan pa ngani palomariang iguang agipo… hahahaha.
Huni palan Nuy-nuy… nag asiste kami sa Talin-talin… dipisil pa an transportation kaito kaya udto na kan uminabot kami. Sabi kan Baryo Captain na pig dagusan mi… Tamang-tamaan pag-abot nindota luto na… magkaraon na kita… pasensiya sana tabi kamo ta dai pa naka-saud… pag tabu-a baga mahamuton na manok na ninatukan sa langka… kung sa anong suwerte ta yaon na sa plato ko su duwang katoy asin batikolon… igua pang kaibang mahamis na giyom-giyom kan daragang nag tao sakuya kan plato. Namalisyahan ko na maraot an boot kan Lolo ko… nahiling ko su duwang payo kan manok sa plato niya. hahahahaha.
Hehehehe. Asiste namana kami sa Pantao na bantog sa mga sira/isda. This is 43years ago… dai pang pier kaito pero sadit ng banwaan an Pantao ta igua ng nagkapi-pirang tindahan. Matolong oras an biyahe hali sa Polangui ta graba asin kamada pa lamang an tinampo kaito… kami na sana an pighahalat ta mala pag-abot mi, hinagda na kaming magkaon… Sabi ni Mr. Baklaw, suwerte kamo Ding ta naka-saud baga si tiya Bening mo… Sa boot-boot ko, suwerte tagaro gusto ng kaunon kan bituka kong dakulaan bituka kong sadit…
Pag tabu-a baga… Dios por Santo ta… Ligo ibinangot sa kalunggay… kung ngunian na presente lalo na digdi sa US yummmy-yummmy an Ligo asin kalunggay… pero kan panahon… hehe… purga an kalunggay… excuse meeeee… whaaaaaaaaaaa.

Orasyon tabi ito manoy ding? pang pa halipot kang kinabuhay? ahahaha! maray pa kamu ta na libot na nindo ang bikol region… ako baga sa SORSOGON lang kaito pirmi pag summer vacation ta pirmi man na i-import mag basketball. Maray pa sinda ta may tiwala saku (mala baga almost 6 years ako every summer nasa sorsogon). Pero digdi sa lugar mi, dai ako pig pa pakawat ta daing tiwala saku. hehehe! siram sanang girum-dumon so mga naka agi duman sa sorsogon. Bata magagayon mga tsiks duman, mga tisay baga. Kaso sarong bulakeñya na agum ko!!! marhay ngani ta “TISAY” man hehehe~

:)) NYAHAHAHA matitigbak aku sa mga istorya mo nuy ding hahahaha:)) :))

alagad su iba mong detalyadong istorya purus itu tama , mga lugar mga brgy po yan kan banuang libon na maski aku dae ko pa naabut, maray kapa ngani nuy ding,,,asin su pig-sabi mong armas iyu itu ang d best, maski aku nagagamit ko man itung armas, d best ang pakikisama lalu kung dayu kita hehe peru an ikatitigbak kong harakatak digdi bata matanga na igdi samu, su mga tinaram saimu kan piday mong taga-linao nyahahah:)) :)) mga muda baga ituo, sumpa itu nuy ding maray naning dae nag-talab saimu,,tubud na ako na may anting-anting ka hahahah:)) cg muna tabi nuy ding, salamat sa mga istorya mo hahaha

Ay! kaherak man ni manay majee,,,duwa na kami nyahahaha, tahan na manay majee ta mapunas su make-up mo nyhahaha:))

maray na aldao po sa gabus:)
@ nuy ding, cg daw tabi nuy i-post mo su mga pix na kua sa libon, ta aku nani taga-libon peru dae ko pa naabut su gabus hehe:) anu palan pangaran kan sound system mo nuy ta maa-arkila lamang sa pyesta hehe
@ nuy BL – tama ka idol dapat tlga maging turista kita maski sa sadiri tang lugar—aku naabut ko pa sana sorsogon/white beach, sa cam. norte daet vinzons / bagasbas beach asin su mga island jan sa albay (san miguel) tapus dae ng iba…….saru pa ako sa ignorante o dayu sa sadiring lugar….supug lamang….

Taga Albay ako pero dahilan sa samong hanap-buhay (Sound System) nakaabot ako sa sa limang iba pang probinsiya kan Bicol Region: Camarines Norte, Camarines Sur, Catanduanes Masbate asin Sorsogon. Masakit pa kaito (late 60’s) ta dai pang tinampo asin kon igua man bako pang aspaltado o sementado. Mga lugar na dai ko malilingawan:
Matara (parte kan Libon) Sa parting Oas kami buminaba asin ma tolong oras kaming nagpara baklay. Narumduman ko an Matara iguang eskuwelaha asin sadiring sementeryo. Thanks to the Racal family. Sarong semana kami sainda ta nalaom kami kan baha.
Bariw asin Buga – Mababa kami sa Bonbon asin mabalyo sa salog (dai pang tulay kaito) kaya nagdadawit kami lunad sa balsa.
Apud asin Maramba – Mababa kami sa Pantao asin masakay sa bangkang de motor. Dai pang tinampo kaito.
Dakul pa kong nadumanan na mga lugar sa Libon na dai ko malilingawan. Ipo-post digdi sa masunod…