agrangay kan sarong balikbayan

may nakaolay akong kababayan ta na nagpuli sa pilipinas. maogma daa siya ta naheling niya ang saiyang pamilya pero grabeng kaba man ang inabot niya sa gastos na inabot niya sa saiyang pagpuli…iyo na ni ang mga istorya…
gabos daa kan saiyang mga tugang asin pinsan ang pirming nagpapadangog na magkakan sa sbarro…or anuman na restaurant sa mall asin dahil siya ang balikbayan siya ang taya (estudyante man sana ini on a scholarship)..pirmi na daang rinibo ang bill niya…asin dahil duwang bulan siya duman sato..grabeng gastos ang inabot niya…si ibang barkada man gusto mag-meet pa sa starbucks..na tig 150 ang kape! (si huri kong uli sa 100 p pa lang ito.) igwa pa diyan nin mga kataraed na ma-tuition ang aki asin problema pa niya..si reunion kan pamilya..inabot nin p15,000 ta halos gabos sa baryo kaiba!!!
although ok man kuta ang magbariwas nin biyaya kaya lang minsan lagpas man ang expectation kan iba sa kakayahan kan iba tang balikbayan..segun saiya..duwang semana pa sana siya, 100,000 na ang binutasan niyang kwarta…asin nag-aagrangay na ang strip kan saiyang credit card…sa kadakulan nin withdrawal..
of course, igwa man nin balikbayan na sobra man ang hambog kaya napapagastos nin puwerte pero su iba na ang darang kwarta minsan kulang pang pambayad sa pamplete ngarig maka-abroad herak man…
ano ang saindong mga eksperensya tungkol digdi? pano nindo pinaiintindi sa saindong mga kabisto na masakit maghanap nin kwarta sa abroad?